Gleðilegt ár kæru vinir!
Við höfðum það óskaplega gott um jólin eins og þessar pínulitlu myndir bera með sér. Við fórum í nokkra bíltúra og göngutúra (ég með nýju vettlingana sem ég fékk frá Hildi og í úlpunni frá Tótu og Matta), flugum flugdrekum og töluðum í símann. Neðsta myndin er af Chris þar sem hann hefur tekið upp á því snjallræði að vefja sér inn í flísteppið sem við fengum frá ma og pa og fara svo í lopapeysuna sína utan yfir, skella svo á sig húfu og fara svo að læra. (Annars vorum við dugleg að kynda og löt að læra um jólin og myndin því ekki dæmigerð.)
Í jólamatinn var nýsjálenskt lamb sem bragðaðist sem íslenskt og svo var heimagerður ís og sherry triffle (að hætti Breta, með rauðu jelly og svoleiðis) í eftirmat. ummmm. Við eigum einn poka af lakkrísreimum eftir, eitt eitt sett og 10 saltaða sjóræningjapeninga og ég hef einsett mér að borða það allt í kvöld áður en að þrettándinn skellur á.
Mömmukökurnar runnu út eins og heitar lummur en sömu sögu er ekki að segja um sörurnar, sem urðu að einni stórri söru sem var í eftirmat á áramótunum. Chris fékk algjöra klígju og neitaði að klára skammtinn sinn og eftir að hann var búinn að tala um "the little pockets of salt" sem væru í neðra kreminu þá missti ég aðeins lystina. Á maður að nota ósaltað smjör í herlegheitin? Bíttar ekki diff úr þessu svosem.
Takk fyrir allt gamalt og gott - ég hlakka til að sjá ykkur á nýja árinu!