Það er svolítið merkilegt að það eru mörg hundruð hárgreiðslu- og rakarastofur í Aberdeen. Örugglega ein á hverja 10 íbúa. Á stærstu strætunum bíður klippari við aðra hverjar dyr.
Rakarastofan sem er næst okkur er handan við hornið frá íbúðinni okkar. Í glugganum eru flöskur af elvital sjampói og hárnæringu og gular einnota bic rakvélar og í stólunum fyrir innan sitja gömul hjón og lesa blöðin. Í gær ákvað Chris að heimsækja hjónin til að losna við lokkana sína. Þau spruttu á fætur og hagræddu honum í stólnum, kveiktu á rafmagnshitaranum svo að honum yrði ekki kalt og rökuðu og klipptu fljótt og örugglega fyrir 5 pund 50 sem enduðu í lítilli læstri skúffu. Þau eru búin að reka búlluna í 24 ár... Í 24 ár hafa Aberdeen búar laðast að kaupfélagssjampóinu og einnota rakvélunum með einu blaði og treyst hjónunum fyrir hausnum á sér. Þar verð ég seint með talin!
Hárgreiðslustofan á móti þeim er vel upplýst með marglitum "Rúm höfuðs" hárvörum í glugganum og fyrir innan eru ungar snótir með skærin og klórinn á lofti. Endalaus straumur kvenna með nýblásið, skjanna hvítt hár liggur frá þeim, flestar með eyrnalokka sem eru síðari en pilsin sem þær klæðast...
Ég held að ég safni bara hári!
Rakarastofan sem er næst okkur er handan við hornið frá íbúðinni okkar. Í glugganum eru flöskur af elvital sjampói og hárnæringu og gular einnota bic rakvélar og í stólunum fyrir innan sitja gömul hjón og lesa blöðin. Í gær ákvað Chris að heimsækja hjónin til að losna við lokkana sína. Þau spruttu á fætur og hagræddu honum í stólnum, kveiktu á rafmagnshitaranum svo að honum yrði ekki kalt og rökuðu og klipptu fljótt og örugglega fyrir 5 pund 50 sem enduðu í lítilli læstri skúffu. Þau eru búin að reka búlluna í 24 ár... Í 24 ár hafa Aberdeen búar laðast að kaupfélagssjampóinu og einnota rakvélunum með einu blaði og treyst hjónunum fyrir hausnum á sér. Þar verð ég seint með talin!
Hárgreiðslustofan á móti þeim er vel upplýst með marglitum "Rúm höfuðs" hárvörum í glugganum og fyrir innan eru ungar snótir með skærin og klórinn á lofti. Endalaus straumur kvenna með nýblásið, skjanna hvítt hár liggur frá þeim, flestar með eyrnalokka sem eru síðari en pilsin sem þær klæðast...
Ég held að ég safni bara hári!
6 Ummæli:
Er þá Aberdeen einskonar Selfoss ? Hér eru einar 6 stofur held ég fyrir utan þær sem eru að klippa heima fyrir svart fé. Þarf endilega að sjá þessi pils sem eru styttri en eyrnalokkar :-)
Kveðja úr Krepplandi
Halli
Fáum við ekki að sjá myndir fyrir og eftir klippingu?
Kv.
Pabbi
Já, ég væri til í að sjá myndir. Klipptu hjónin hann í sameinginu?
Fyndið hvernig allir virðast fá sömu viðskiptahugmyndina í sumum borgum. Við hildur erum einmitt sammála um að brussel og leuven séu báðar yfirfullar af apótekum og í berlín er allt fullt af dónabúðum - 9 stk á milli mín og rutar!
Vá hvað mér brá þegar ég kíkti hérna á bloggið þitt Ágústa. Ég var hætt að þora að vona að hér væri eitthvað nýtt að hafa... en mikið er gott að svo sé.
Gott að við Jón tókum kick-off inn í þetta annars frekar skítlega ár... Við gátum þó allavega haldið gott partí sem var á kreppubudget í góðærinu.
Gaman að sjá myndir af hversdagnum ykkar. Gríðarfalleg planta á skrifborðinu þínu og falleg hús þarna í Aberdeen - líkt og í Edinborg.
Kram
Halló kalló
vona að sængurverið hafi þornað :)
Skrifa ummæli
Gerast áskrifandi að Birta ummæli [Atom]
<< Heim