Fleiri litlar myndir af daglegu lífi í Deeninni. Þið getið klikkað á þær ef þið viljið sjá okkur í meira návígi. Christopher varð 30 ára á þriðjudaginn sem var tilefnið af gælstum gulrótarkökubakstri og kökuáti í morgunsárið. Mér finnst ég vera orðin hellings gömul fyrir vikið. Ég man eftir 30 afmælinu hans pabba eins og það hafi verið í gær og hann var sko algjör kall þá og mamma og pabbi full fullorðin. Í tilefni af afmælinu ætlum við að eyða viku í þessu húsi:

með vinum okkar frá Bristol, að borða, spila og súpa. Við erum búin að vera ofsalega stressuð yfir þessu alla vikuna þar sem mér varð heldur betur að ósk minni um ofankomu. Það snjóaði og snjóaði og snjóaði í Jórvíkurskíri á bústaðinn og hér hjá okkur og þar sem það virðast eingöngu vera til 2 snjóplógar á allri eyjunni og ekki eitt einasta nagladekk var allt kolófært. En það er hætt að snjóa fyrir sunnan (snjóar enn hér) og búið að ryðja svo við ættum að komast á leiðarenda. Við munum bruna til Darlington með lestinni þar sem Bristol liðið bíður okkar og skunda svo í bústaðinn, kveikja upp í arninum, rauðvín í glösin og og og og

Vona að þið eigið góða helgi gullin mín og ánægjulega viku, það fer nú heldur betur að styttast í að ég hitti ykkur á kreppulandi!