Ég er ekki lengur í Karabískahafinu og ekki heldur í Cambridge. Nú er ég aftur komin til Aberdeen og búin að vera hér í tæpan mánuð. Ég bý hjá leiðbeinandanum mínum henni Karenu en eftir rétta viku skrepp ég til Calgary í Kanada til að halda tvær tölur og þegar ég kem til baka flyt ég inn í íbúð Neils og Keiths þar sem hvorugur þeirra verður heima. Ég er sannkölluð flökkukona. Ég get borðið búslóðina á bakinu á mér en verð þó fljótt vegmóð.
Ég er búin að tilkynna skiladag. Föstudaginn 13. apríl varð fyrir valinu og ég get hreinlega ekki ímyndað mér hvernig það verður að vakna að morgni þess 14. og vera ritgerðarlaus. Ég ætla að vera eitthvað frameftir vori hjá Tjallanum, þarf að gæsa vinkonu mína, fara á ráðstefnu, í brúðkaup og svo þarf ég víst að verja herlegheitin.

Það er bara þannig. Vildi bara melda mig inn....