Það var ofsalega gaman á ferðalaginu, í Kanada gekk ráðstefnan vel og ég heimsótti stórbrotin Klettafjöllin. Það var samt langskemmtilegast í Cambridge. Ljósmyndin að ofan er meira en þúsund orða virði. Ég er enn með smá harðsperrur í maganum.

Það er komið haust í Aberdeen, skólasvæðið fullt af fólki og langar raðir í alla þjónustu en nýnemunum fylgir líka góður lærdómsandi sem ég hef einsett mér að nýta. Nú þarf ég að þvo og pakka og skrifa og pæla sem aldrei fyrr. Ef þið lumið á afgangs einbeitningu eða lærdómsaga þá endilega faxið því til mín.