Allt gengur vel í Vesturheimi. Ég er búin að finna dobíu af nöglum og það sem ég held að sé gólfið úr húsinu hans Jóns Guttormssonar og Pálínu, á því var prjónles, leirkerabrot, glerbrot og ýmislegt fleira. Moskítóflugurnar hafa fundið mig og mig klæjar sem ég væri vafinn inn í steinull. Önnur skordýrategund sem finnst ég ljúffeng er sú sem kölluð er "wood ticks" - þeir sjúga blóð og áður en ég baða mig í lok dags þarf ég að strjúka yfir fætur og handleggi og toga þá úr húðinni sem er ógó ógeðslegt og alls ekki uppáhalds.

En ég fann líka frændur mína, Stefan og Chuck. Langalangaafi þeirra hann Jakob var bróðir langalangalangaafa míns Karls, föður Úlfars, föður Ágústu, móður Birgis föður míns. Læt fylgja með myndir af uppgraftarsvæðinu mínu og frændum mínum og mér á góðri stund ;)